प्रथम मेयर कप सम्पन्न दक्षिणकाली न.पा. वडा नं. ५ बिजयी
फागुन १२, काठमाडौं । फ्ल्यास् खबर
खेलकुद प्रबर्धनका लागि दक्षिणकाली परोपकार युवा क्लबद्वारा आयोजित मेयर कप फुटबल प्रतियोगिता- २०७५ को उपाधि दक्षिणकाली नगरपालिका वडा नं ५ ले हात पारेको छ । नगरपालिकाका ९ वटै वडाहरुको सहभागिता रहेको प्रतियोगिताको अन्तिम खेलमा वडा नं २ लाई पछाडी पार्दै वडा नं ५ ले ट्राइब्रेकर मार्फत सफलता हासिल गर्दै नगद पुरस्कार रु. ७५ हजार सहित बिजयी ट्रफी हासिल गरेको छ भने उपबिजेता वडा नं २ ले नगद पुरस्कार रु. ५० हजार सहित उपबिजेता ट्रफी हात पारेको छ । बिजेता र उपबिजेता बाहेक सेमिफाइन सम्म पुग्ने ९ र ४ नं. वडाले भन्ने समान रु. १०/ १० हजार नगद पुरस्कार प्राप्त गरेका छन् । उक्त प्रतियोगितामा बिजेता वडा नं ५ बाट नै उत्कृष्ट खेलाडीका रुपमा बिक्की महर्जन, उत्कृष्ट गोलरक्षकमा सलिन महर्जन र उत्कृष्ट दिफेन्समा आकाश श्रेष्ठ रहे भने सर्वाधिक गोलकर्ता वडा नं २ का सनम महर्जन र उत्कृष्ट मिडफिल्डरमा डेनिश महर्जन रहेका छन् । फियर टीमका रुपमा वडा नं २ रहेको छ ।
