ट्याक्टरले च्यापेर चालक घाइते
चैत्र ३, काठमाडौं । फ्ल्यास् खबर
मिति २०७५ चैत ३ गते दक्षिणकाली न.पा. ३ अवस्थित भञ्ज्याङ्मा मध्याह्नपख ट्याक्टरले च्यापेर चालक आफै घाइते भएका छन्। साँघुरो गल्लीको बाटोमा रोकेको बाइक हटाउन ओर्लदा ओरालोको कारण ट्याक्टर गुडेको र बाइक हटाउन लागेको चालक नजिक रहेको बिजुलीको खम्बामा गई ठोक्किदा चालक ट्याक्टर र खम्बाको बिच च्यापिई घाइते भएका हुन्।
घटनास्थल नजिकै काम गरिरहेका मानिस र स्थानीयहरु मिलि उक्त चालकको उद्धार गरी एम्बुलेन्स बोलाइ घाइते चालकलाई उपचारका लागि राष्ट्रिय ट्रमा सेन्टर पठाइएको छ। बाहिरी चोट नदेखिए पनि भित्री रुपमा गहिरो दखल परेको अनुमान छ र चालकका सम्बन्धित ब्यक्ती बोलाई उपचार भई रहेको छ। प्रहरी पनि तुरुन्त घटनास्थलमा आई अनुसन्धान गरेका छन् भने हामी सबैलाई जथाभावी गाडी नरोक्न आग्रह गरेका छन्।
