नेप्लिज सोल्जले तेश्रो एल्बम “जिन्दगी” रिलिज गर्ने तयारीमा :
फागुन २०, काठमाडौं । फ्ल्यास् खबर
नेप्लिज ब्याण्ड विशेषत युवा संगीतप्रेमीहरुका माझमा परिचित सांगीतिक ब्याण्ड हो । यस अघि नै उक्त ब्याण्डले दुई वटा एल्बम बजारमा ल्याइसकेको छ । नेप्लिज सोल्जका मेन भोकलिस्ट किशोर देउलाका अनुसार उक्त ब्यान्डले आफ्नो तेश्रो एल्बम रिलिजको अन्तिम तयारी गरिरहेको छ ।थुप्रै अन्य कलाकारहरु प्रकाश न्यौपाने, महेश देउला, सोनी बलामी, कुशल आचार्य, आकास वाइके, एन्सर महर्जन, प्रशान्त, सविन, सुजन श्रेष्ठ आदिको पनि उक्त एल्बममा सहभागिता रहनेछ । गीत अनि संगीत नेप्लिज ब्यान्डका किशोर देउलाकै रहेको छ । सुजन क्रियसन र दक्षिणकाली क्रियसनमार्फत उक्त एल्बमको भिडियो बनी सकेको छ ।
एल्बमको पहिलो गीत ‘बाबाको सम्झना’ शीर्षकको रहेको छ । यस गीतको लेखन तथा संगीत पनि नेप्लिज सोल्जकै रहेको छ । म्युजिक भिडियोमा यस गीतलाई प्रकाश न्यौपानेले छायांकन गरिएको छ ।
बाबाको सम्झनामा लेखिएको निकै मार्मिक गीतलाई यसपटक नेप्लिज सोल्जले चयन गरेको छ । गीत यस प्रकार रहेको छ –
आमाको सिउँदो रित्तो बनाई
दैबले भुल गर्यो बाबा तिमीलाई छिट्टै बोलाई
आज तिम्रो तस्बिर हेरी बस्दछु टोलाई
आँखा भिजाई कति आँसु बगाई
जीवन रैछ सुख दु:ख बिचको लडाई
यस गीतमा बिट र सारंगी निरज रेग्मीको रहेको छ ।
