राष्ट्रिय सहकारी दिवसका दिन अन्तरकृया एवं चियापान कार्यक्रम हुने
चैत्र १३, काठमाडौं । फ्ल्यास् खबर
६२ औं राष्ट्रिय सहकारी दिवस मिति २०७५ चैत्र २० गते बुधवारका दिन दक्षिणकाली नगरपालिका वडा नं. ८, छैमलेमा रहेको छैमले रिर्सोटमा सम्पन्न हुन गई रहेको छ । ६२ औं राष्ट्रिय सहकारी दिवसको उपलक्ष्यमा दक्षिण क्षेत्रीय सहकारी समन्वय समितिले दक्षिणकाली नगरपालिकाका सबै जनप्रतिनिधिहरु, सहकारी संस्थाका अध्यक्षहरु, सरोकारवाला निकायहरु, समाजसेवी एवं बुद्धिजीवीहरु र विभिन्न संध-संस्था एंव मिडियाहरुको सहभागीतामा “दक्षिणकाली नगरपालिका सहकारीहरुको महत्त्व र त्यसको प्रभावकारीता” विषयक अन्तरक्रिया एवं चियापान कार्यक्रमको आयोजन गरी यस वर्षको राष्ट्रिय सहकारी दिवस पृथक तरिकाले मनाउन लागिएको कुरा उक्त समन्वय समितिका अध्यक्ष वीरेन्द्र कुमार बलामीले बताउनु भएको छ । काठमाडौं जिल्लाको दक्षिण भेगमा रहेको ६५ वटा सहकारीहरुबीच समन्वय एवं सदभाब कायम गराउन आज भन्दा चार वर्ष अगाडी दक्षिण क्षेत्रीय समन्वय समिति बिधिवत रुपमा स्थापना गरिएको हो । यस समिति मार्फत यहाँ रहेका सहकारीहरु मिलेर विभिन्न कार्यक्रमहरु अभियानको रुपमा संचालन गरी रहेका छन् ।
