काठमाडाैं । प्राचीन दक्षिणकाली नजिक जंगलमा मृत अवस्थामा भेटिएका एक जोडीको पहिचान खुलेको छ । सोमबार दिउँसो दक्षिणकाली नगरपालिका–५ स्थित पुरानाे दक्षिणकाली नजिककाे जंगलमा करिब २२–२३ वर्षका युवक र युवती मृत अवस्थामा भेटिएका हुन् ।
मृत भेटिएका युवक मकवानपुरको इन्द्रसरोवर घर भएका मनिष ठकुरी रहेको जिल्ला प्रहरी परिसर काठमाडौंले जनाएको छ । युवकसँगै मृत भेटिएकी युवती दाङको राप्ती गाउँपालिका घर भएकी विमला कुमाल हुन् ।
घटनास्थलमा २ वटा विषादीको बट्टा फेला परेको उपत्यका अपराध अनुसन्धान कार्यालयका एसएसपी बसन्त कुँवरले बताउनुभयाे । शव पोष्टमार्टमका लागि त्रिवि शिक्षण अस्पतालमा पठाइएको छ ।
